`Reina` terrorunda əli olan şəxs məhv edilib
01:34 22 Aprel 2017
Suriyada Yeni İl gecəsi İstanbulda törədilən terror aktında əli olan İŞİD silahlısı məhv edilib.
`RİA Novosti` agentliyinin verdiyi xəbərə görə, bu barədə ABŞ Silahlı Qüvvələrinin Mərkəzi Komandanlığının (CENTCOM) nümayəndəsi Con Tomas bildirib.
Con Tomas bildirib ki, aprelin 6-da ABŞ qüvvələri tərəfindən yanvarın 1-ə keçən gecə İstanbulda baş verən terror aktının təşkilatçılarından biri Əbdürrəhman Özbəyi məhv edilib:
“O, əcnəbi silahlıların İŞİD-ə cəlb edilməsi, maliyyələşdirilməsi ilə məşğul olub. Bundan başqa, Ə.Özbəyi Suriya və İraqdan kənarda terror aktlarının hazırlanmasında mühüm rol oynayıb”.
Qeyd edək ki, Yeni il gecəsi İstanbulda “Reina” gecə klubuna edilən hücum zamanı 39 nəfər ölüb, 65 nəfər yaralanıb. Terror aktını törədən şəxs yanvarın 16-da İstanbulda yaxalanıb.
Femida.az
Oxunub: 1526
